Жума куни "Салернитана" яна мухлисларини хафа қилди. Филиппо Индзаги шогирдлари ўз майдонида “Эмполи”дан 1:3 ҳисобида мағлуб бўлди. La Gazette Dello Sport хабарига кўра, бу натижа мураббий учун ҳалокатли бўлган - "Салернитана" Индзагини ишдан бўшатишга қарор қилган. Тез орада бу ҳақда расмий эълон берилади.
Айни пайтда "Салернитана" Италия чемпионати турнир жадвалида охирги, 20-ўринда бормоқда. Жамоа чемпионатда жон сақлаб қолиш зонасидан олти очко ортда қолмоқда.
"Салернитана" А Сериянинг навбатдаги ўйинини 16 февраль, жума куни сафарда "Интер"га қарши ўтказади.
