"Bavariya" hujumchisi Tomas Myullerning fikricha, uning jamoasi chempionlik poygasida "Bayer"ga qarshi kurasha oladi.
O‘zaro o‘yinda 0:3 hisobida mag‘lub bo‘lgan "Bavariya"ning Leverkuzen bilan ochkolari orasidagi farq beshtaga etdi. Mavsum yakunlanishiga 13 tur qoldi.
“Kechagi o‘yin biz uchun mutlaqo dahshatli bo‘ldi. Biz aql bovar qilmaydigan g‘alabali seriyani qo‘lga kiritayotgan raqiblarimizni tabriklashimiz kerak.
G‘oliblik uchun kurash hali yakuniga yetgani yo‘q. Lekin, avvalo, ishimizni tartibga solishimiz kerak. Keyingi eng muhim o‘yin chorshanba kuni bo‘lib o‘tadi", - deb yozdi Myuller ijtimoiy tarmoqlarda.
