Londonning “Arsenal” klubining 25 yoshli yarim himoyachisi Martin Edegor Yevropaning yettita yetakchi ligalari vakillari orasida ikki statistik ko‘rsatkich bo‘yicha joriy mavsumning eng yaxshi futbolchisi bo‘lib turibdi.
Yaratilgan golli vaziyatlar bo‘yicha Edegor peshqadam - 61. 11 fevral kuni APLning 24-turidan o‘rin olgan Londonning "Vest Xem" jamoasiga qarshi safarda (6:0) norvegiyalik yarim himoyachi 7 ta golli vaziyat yaratib, ikkita golli uzatmani amalga oshirdi. Shuningdek, “kanonirlar” sardori o‘yindan jarima maydonchasiga muvaffaqiyatli uzatmalari bo‘yicha Yevropaning top chempionatlarida mavsumning eng yaxshi futbolchisi hisoblanadi – 22.
Martin Edegor joriy mavsumda Premyer-ligada 21 ta o‘yinda maydonga tushib, 4 ta gol va 5 ta golli uzatmaga mualliflik qilgan. Barcha turnirlarda uning hisobida 30 ta o‘yin, 7 ta gol va 6 ta golli uzatma bor.
