Лондоннинг “Арсенал” клубининг 25 ёшли ярим ҳимоячиси Мартин Эдегор Европанинг еттита етакчи лигалари вакиллари орасида икки статистик кўрсаткич бўйича жорий мавсумнинг энг яхши футболчиси бўлиб турибди.

Яратилган голли вазиятлар бўйича Эдегор пешқадам - 61. 11 февраль куни АПЛнинг 24-туридан ўрин олган Лондоннинг "Вест Хэм" жамоасига қарши сафарда (6:0) норвегиялик ярим ҳимоячи 7 та голли вазият яратиб, иккита голли узатмани амалга оширди. Шунингдек, “канонирлар” сардори ўйиндан жарима майдончасига муваффақиятли узатмалари бўйича Европанинг топ чемпионатларида мавсумнинг энг яхши футболчиси ҳисобланади – 22.

Мартин Эдегор жорий мавсумда Премьер-лигада 21 та ўйинда майдонга тушиб, 4 та гол ва 5 та голли узатмага муаллифлик қилган. Барча турнирларда унинг ҳисобида 30 та ўйин, 7 та гол ва 6 та голли узатма бор.