“PSJ”ning bir necha yuzlab muxlislari shu yakshanba kuni klubning Fransiya poytaxtidagi mashg‘ulotlar markaziga tashrif buyurgan Kilian Mbappedan shartnomasi tugaganidan keyin Parijni tark etmaslikni so‘rashdi, deb xabar bermoqda CNews.

Muxlislar Chempionlar ligasining "Real Sosyedad"ga qarshi o‘yinidan oldin o‘z jamoasini qo‘llab-quvvatlash va rag‘batlantirish, shuningdek, Kilian Mbappega bo‘lgan mehrlarini eslatish imkoniyatidan foydalanishdi.

Joriy mavsumda Mbappe klub safida barcha musobaqalarda 29 ta o‘yinda qatnashib, 30 ta gol urdi va 7 ta golli uzatmani amalga oshirdi.