"Chelsi" yarim himoyachisi Konor Gallaxer bosh murabbiy Maurisio Pochettino uchun har qanday pozisiyada o‘ynashga tayyorligini aytdi.

“Joriy mavsumda men ko‘plab pozisiyalarda o‘ynadim. Men juda xursandman va Pochettino uchun har qanday rolda o‘ynashga tayyorman. Bu borada men uchun hech qanday muammo yo‘q. Tanaffusda murabbiy bizga xotirjam bo‘lishni aytdi va biz shunday qildik", - deya Gallaxer so‘zlarini keltiradi jurnalist Fabrisio Romano.

Konorning "Chelsi" bilan shartnomasi bir yarim yildan keyin tugaydi, Pochettino futbolchini o‘zida saqlab qolmoqchi.