"Bavariya" bosh murabbiyi Xabo Alonso uchun kurashda "Liverpul"ning asosiy raqobatchisiga aylanishi mumkin.

Ma’lumki, Alonso mavsum oxirida "Liverpul" murabbiyligini tark etadigan Yurgen Kloppning o‘rniga favorit sanaladi.

Jurnalist Fabrisio Romanoning so‘zlariga ko‘ra, Alonso "Bavariya"ning ham nishonida turibdi. Myunxenliklar bosh murabbiyi Tomas Tuxel o‘tgan hafta oxirida "Bayer"dan 0:3 hisobida uchralgan mag‘lubiyatdan keyin katta bosim ostida qolgan.

Romanoning so‘zlariga ko‘ra, "Bavariya" rahbarlari har doim o‘zlarining sobiq futbolchisi Alonso haqida yuqori fikrda bo‘lishgan, ammo "Bayer"ning Xabi qo‘l ostidagi ajoyib mavsumi bu qiziqishni oshirgan.

Bundesligada "Bayer"dan 5 ochko ortda qolayotgan "Bavariya" mavsum yakunida Tuxel bilan xayrlashish haqida jiddiy o‘ylamoqda, agar shunday bo‘ladigan bo‘lsa, Myunxen klubi Alonsoni taklif etish masalasini albatta ko‘rib chiqadi.

Romanoning so‘zlariga ko‘ra, Alonso haqiqatdan ham "Liverpul"ning birinchi raqamli nomzodi, ammo "mersisaydliklar" yangi sport direktori borasida bir qarorga kelganidan keyingina aniq qadamlar qo‘yadi.