"Бавария" бош мураббийи Хабо Алонсо учун курашда "Ливерпул"нинг асосий рақобатчисига айланиши мумкин.
Маълумки, Алонсо мавсум охирида "Ливерпуль" мураббийлигини тарк этадиган Юрген Клоппнинг ўрнига фаворит саналади.
Журналист Фабрицио Романонинг сўзларига кўра, Алонсо "Бавария"нинг ҳам нишонида турибди. Мюнхенликлар бош мураббийи Томас Тухель ўтган ҳафта охирида "Байер"дан 0:3 ҳисобида учралган мағлубиятдан кейин катта босим остида қолган.
Романонинг сўзларига кўра, "Бавария" раҳбарлари ҳар доим ўзларининг собиқ футболчиси Алонсо ҳақида юқори фикрда бўлишган, аммо "Байер"нинг Хаби қўл остидаги ажойиб мавсуми бу қизиқишни оширган.
Бундеслигада "Байер"дан 5 очко ортда қолаётган "Бавария" мавсум якунида Тухель билан хайрлашиш ҳақида жиддий ўйламоқда, агар шундай бўладиган бўлса, Мюнхен клуби Алонсони таклиф этиш масаласини албатта кўриб чиқади.
Романонинг сўзларига кўра, Алонсо ҳақиқатдан ҳам "Ливерпул"нинг биринчи рақамли номзоди, аммо "мерсисайдликлар" янги спорт директори борасида бир қарорга келганидан кейингина аниқ қадамлар қўяди.
