"Vulverxempton" futbolchisi Pedru Netu "Liverpul" va "Arsenal"ning transfer maqsadi.

Xabarlarga ko‘ra, "bo‘rilar" 23 yoshli futbolchini yozda yangi o‘yinchilarni sotib olish uchun pul yig‘ish maqsadida 60 million funt sterlingga (70 million yevro) sotishga tayyor. "Liverpul"ning qiziqishi Muhammad Salohning kelajagi borasidagi xavotirlardan kelib chiqqan.

Portugaliyalik futbolchi joriy mavsum “Vulverxempton” safida 18 ta o‘yinda maydonga tushib, 3 ta gol urdi va 10 ta golli uzatmani amalga oshirdi. Uning shartnomasi 2027 yilning yoziga qadar mo‘ljallangan. Transfermarkt portali futbolchining narxini 42 million yevroga baholagan.