"Nyukasl" yarim himoyachisi Bruno Gimaraesning transferi "PSJ"ning yozgi transfer oynasidagi ustuvor vazifasidir.
Manbaning xabariga ko‘ra, ingliz klubi moliyaviy feyr-pley bilan bog‘liq muammolar tufayli 26 yoshli futbolchini sotish haqida o‘ylashi mumkin.
Avvalroq, "Nyukasl" rahbariyati yarim himoyachi bilan kamida 100 million yevro evaziga xayrlashishga tayyorligi haqida ma’lumot paydo bo‘lgandi.
Gimaraes 2022 yildan beri "Nyukasl"da o‘ynab kelmoqda. O‘tgan yozda u klub bilan shartnomasini 2028 yilgacha uzaytirdi. Joriy mavsumda futbolchi 34 ta o‘yinda maydonga tushib, 3 ta gol urdi va 6 ta golli uzatmani amalga oshirdi.