"Ньюкасл" ярим ҳимоячиси Бруно Гимараэснинг трансфери "ПСЖ"нинг ёзги трансфер ойнасидаги устувор вазифасидир.
Манбанинг хабарига кўра, инглиз клуби молиявий фейр-плей билан боғлиқ муаммолар туфайли 26 ёшли футболчини сотиш ҳақида ўйлаши мумкин.
Аввалроқ, "Ньюкасл" раҳбарияти ярим ҳимоячи билан камида 100 миллион евро эвазига хайрлашишга тайёрлиги ҳақида маълумот пайдо бўлганди.
Гимараэс 2022 йилдан бери "Ньюкасл"да ўйнаб келмоқда. Ўтган ёзда у клуб билан шартномасини 2028 йилгача узайтирди. Жорий мавсумда футболчи 34 та ўйинда майдонга тушиб, 3 та гол урди ва 6 та голли узатмани амалга оширди.
