OCHL 1/8 final bahsidan oldin “Nasaf” va “Al-Ayn” jamoalari murabbiylari ishtirokida matbuot anjumani o‘tkazildi. Mehmonlar ustozi Ernan Krespo o‘z fikrlari bilan o‘rtoqlashdi.

"Ertaga bizni yaxshi o‘yin kutib turibdi. Oldinda hali javob uchrashuvi ham bor. Albatta, ertangi bellashuv ham ancha muhim. Ko‘ramiz, maydonda nima bo‘larkan?

Umumiy olganda har ikki jamoaning vaziyati bir xil. Biz ham ma’lum vaqt davom etgan tanaffusdan keyin bitta bahs o‘tkazdik. Biroq bu vaqt oralig‘ida ham o‘rtoqlik o‘yinlarida maydonga tushdik.

Yetakchilarni olib kelmadim? Vaziyat shundayki, qisqa muddat ichida bir nechta musobaqa o‘yinlarini o‘tkazishimizga to‘g‘ri kelyapti. Shu sababli, ba’zi futbolchilarni bu yerga olib kela olmadik. Biroq, bor tarkibimiz bilan ham kerakli natijaga erishish maqsadimiz bor", — dedi Ernan Krespo.

“Nasaf” va “Al-Ayn” o‘rtasidagi 1/8 final uchrashuvi 14 fevral kuni 19:00 da start oladi.