Turinning “Yuventus” klubi rahbariyati jamoaning o‘yinidan norozi. Oxirgi o‘yinda Massimiliano Allegri shogirdlari "Udineze"dan 0:1 hisobida minimal mag‘lubiyatga uchradi.
Corriere della Sera xabariga ko‘ra, joriy mavsum yakunida tomonlar mehnat shartnomasini bekor qilishga kelishib olishlari mumkin. Ular Allegri o‘rniga hozirda "Bolonya" bosh murabbiyi Tyago Mottani chaqirishni rejalashtirmoqda.
23 uchrashuvdan so‘ng "keksa sinyora" 53 ochko jamg‘arib, Italiya chempionati turnir jadvalida ikkinchi o‘rinda bormoqda. Allegri shogirdlari peshqadam “Inter”dan 7 ochko ortda qolmoqda.
