Туриннинг “Ювентус” клуби раҳбарияти жамоанинг ўйинидан норози. Охирги ўйинда Массимилиано Аллегри шогирдлари "Удинезе"дан 0:1 ҳисобида минимал мағлубиятга учради.
Corriere della Sera хабарига кўра, жорий мавсум якунида томонлар меҳнат шартномасини бекор қилишга келишиб олишлари мумкин. Улар Аллегри ўрнига ҳозирда "Болонья" бош мураббийи Тьяго Моттани чақиришни режалаштирмоқда.
23 учрашувдан сўнг "кекса синьора" 53 очко жамғариб, Италия чемпионати турнир жадвалида иккинчи ўринда бормоқда. Аллегри шогирдлари пешқадам “Интер”дан 7 очко ортда қолмоқда.
