Kataloniyaning "Barselona" klubi keyingi yozda jarohati tufayli ushbu mavsumning qolgan qismini o‘tkazib yuboradigan chap qanot himoyachisi Alexandro Baldeni sotishi mumkin.
Jurnalist Fernando Polo bergan ma’lumotlarga ko‘ra, agar yaxshi taklif tushsa, "ko‘k-anorranglilar" himoyachini sotadi.
"Barselona" moliyaviy muammolarni boshdan kechirmoqda, shuning uchun Baldeni sotish jamoaga vaziyatdan chiqishda yordam berishi mumkin.
Oldinroq "Manchester Siti" bu futbolchiga qiziqish bildirayotgani haqida xabarlar tarqalgan edi.
