"Bavariya" bosh murabbiyi Tomas Tuxel Bundesligada "Boxum" bilan o‘yinda mag‘lubiyatga yo‘l qo‘ymasligi kerak, germaniyalik mutaxassis uchun keyingi uchta o‘yin hal qiluvchi bo‘ladi. Bu haqda taniqli jurnalist va insayder Florian Plettenberg X (sobiq Twitter) ijtimoiy tarmog‘ida xabar berdi.
Manba bergan xabarga ko‘ra, hozirgi bosqichda "Bavariya" rahbariyati Tuxelni iste’foga chiqarishga shoshilmayapti va u hozirgi ahvolini yaxshilay olishiga umid qilmoqda, ammo keyingi o‘yinlarda myunxenliklar ijobiy natijaga erishishi kerak.
Keyingi uchta o‘yin - "Boxum", "RB Leypsig" va "Frayburg"ga qarshi o‘yinlar Tomasning o‘yiniga ichki baho berishda hal qiluvchi ahamiyatga ega bo‘ladi.
