Germaniyada Fisher nomidagi Freestyle Chess G.O.A.T Challenge shaxmat turnirida bugun 3-o‘rin uchun va final o‘yinlari boshlandi.

Nodirbek Abdusattorov 3-o‘rin uchun AQSHlik Levon Aronyanga qarshi oq donalarda o‘ynadi. Hamyurtimiz partiyaning o‘rtalaridan boshlab ustunlikni o‘z tomoniga ola boshladi. Bir qator donalar almashgach, 45-yurishga kelib Nodirbek Ruhli endshpilda ikkita ortiqcha piyodaga ega bo‘ldi. Biroq 46-yurishdagi birgina noaniq harakat tufayli tayyor g‘alaba qo‘ldan chiqdi. Raqib bahsni durang bilan yakunlash yo‘lini topib oldi.

Ushbu shaxmatchilar o‘rtasida ertaga ikkinchi bhas o‘tkaziladi. Unda Abdusattorov qora donalarda o‘ynaydi.

Eslatib o‘tamiz, musobaqada 3-o‘rin egasi 30 ming, 4-o‘rinda qolgan sportchi esa 20 ming dollarni qo‘lga kiritadi.

 Magnus Karlsen va  Fabiano Karuana o‘rtasidagi finalning ilk o‘yinida durang qayd etildi.