"Manchester Yunayted" rahbariyati jamoaning himoya chizig‘ini mustahkamlovchilarni qidirmoqda. Daily Star gazetasi jurnalistlariga ma’lum bo‘lishicha, "qizil iblislar"ning transferlar ro‘yxatida to‘rt nafar himoyachi bor.
Mankunianliklar Jerred Brentueyt («Everton»), Antoniu Silva («Benfika»), Leni Yoro («Lill») va Jan-Kler Todibo («Nissa») nomzodlarini ko‘rib chiqmoqda. Angliya top-klubi yozgi transfer oynasida yuqorida tilga olingan futbolchilardan biri bilan shartnoma imzolashi mumkin.
Angliya Premyer-ligasining 24-turidan so‘ng “Manchester Yunayted” 41 ochko jamg‘arib, turnir jadvalida oltinchi o‘rinni egallab turibdi.