"Tottenxem"ning sobiq hujumchisi Jermeyn Defo jamoaning Anje Postekoglu qo‘l ostidagi o‘yinidan mamnun.
Eslatib o‘tamiz, “shporlar” ayni damda APL turnir jadvalida to‘rtinchi o‘rinda bormoqda. “Postekoglu qisqa vaqt ichida “Tottenxem”da ajoyib taassurot qoldirdi.
Ochig‘i, natijalar eng muhimi, lekin meni eng ko‘p xursand qilgan narsa jamoaning o‘yini. Murabbiy futbolchilarga o‘z fikrlarini bildirish va muxlislarni xursand qilish uchun erkinlik beradi.
Anje juda oddiy odam, buni uning matbuot anjumanlaridan ham ko‘rish mumkin. O‘yinchilaringizdan eng yaxshisini olish juda muhim. Menimcha, Postekoglu buni yaxshi uddalayapti”, dedi Defo jurnalist Devid Koverdeylga.
