Boku «Katta dubulg‘a» musobaqasining birinchi kuni O‘zbekiston terma jamoasi uchun muvaffaqiyatli yakunlandi. -52 kg vazn toifasida ishtirok etgan Diyora Keldiyorova finalda ikki karra Olimpiya o‘yinlari sovrindori italiyalik Odette Jufrida ustidan g‘alaba qozonib, oltin medalga sazovor bo‘ldi.

Qayd etish joiz, bu Keldiyorovaning «Katta dubulg‘a» musobaqalaridagi beshinchi oltin medali bo‘ldi. Shuningdek, u jahon va Parij-2024 Olimpiada reytingi uchun 1000 ochkoni ham o‘z hisobiga qo‘shib qo‘ymoqda. Yana bir ahamiyatli jihati, ushbu g‘alaba kelasi hafta Keldiyorovani jahon reytingi peshqadamiga aylantiradi.

Shuningdek, dzyudo bo‘yicha O‘zbekiston terma jamoasiga «Katta dubulg‘a» musobaqasida ikkita broza medalini ham qo‘lga kiritdi. Dastlab -48 kg vazn toifasida o‘tkazilgan 3-o‘rin uchun bahsda hamyurtimiz Halima Qurbonova ispaniyalik Mireya Kamosni mag‘lub etgan bo‘lsa, Doston Ro‘ziyev (-60 kg) gruzin polvoni Timur Nozadze ustidan g‘alabaga erishdi.