Turinning "Yuventus" klubi keyingi transfer oynasida yarim himoyachi Pol Pogba bilan xayrlashishni rejalashtirmoqda. Bu haqda Tuttosport nashri xabar bermoqda.

Manba bergan xabarga ko‘ra, Turinliklar fransiyalik futbolchini o‘z rejalariga kiritishmayapti. "Byankonerilar" undan va uning yuqori maoshidan qutulmoqchi.

Pogba 2022 yilning yozida "Yuventus"ga o‘tgan edi. Yarim himoyachining klub bilan shartnomasi 2026 yilgacha mo‘ljallangan. Joriy mavsumda fransiyalik futbolchi o‘z jamoasining ikkita o‘yinida ishtirok etdi.

Eslatib o‘tamiz, Pogba Italiya chempionatining joriy mavsumi 1-turi doirasidagi “Udineze”ga qarshi o‘yindan so‘ng (0:3) doping-testdan ijobiy o‘tgan edi.

Avvalroq OAVda Italiya antidoping prokuraturasi Pogbani 4 yilga diskvalifikasiya qilishni so‘ragani haqida ma’lumot paydo bo‘lgandi.