Xabaringiz bor, «Navbahor» Osiyo Chempionlar ligasi nimchorak finali, birinchi uchrashuvi doirasida 15 fevral kuni o‘z maydonida Saudiya Arabistonining “Al-Ittihod” klubini qabul qilib, 0:0 hisobidagi durangga imzo chekkandi.

Saudiyaliklarga qarshi kechadigan javob o‘yini 22 fevral kuni Jidda shahrida o‘tkaziladi. “Lochinlar” mazkur bellashuvga tayyorgarlikni bugundan boshlashdi.

“Navbahor”ning buguni mashg‘ulotiga Namangan viloyati hokimi, viloyat futbol assosiasiyasi prezidenti Shavkatjon Shokirjanovich Abdurazzoqov tashrif buyurib, futbolchilarga 15 fevral kungi ajoyib o‘yin uchun minnatdorchilik bildirib, bo‘lajak uchrashuvda jamoamizga omad yor bo‘lishini tiladi.

- Sport, shu jumladan, futbol mamlakatni tezda jahonga tanitadi, mashhur qiladi. Jiddadagi o‘yinda O‘zbekiston sharafi, sha’ni, bayrog‘ini  munosib tarzda himoya qilib, g‘alaba qozonib, yurtimizga yorug‘ yuz bilan qaytishinglarga tilakdoshman, -  dedi viloyatimiz rahbari.

“Navbahor” PFK matbuot xizmati.