"Bayer" bosh murabbiyi Xabi Alonso Germaniya chempionati doirasidagi safarda "Xaydenxaym" ustidan qozonilgan g‘alaba haqida o‘z fikrlari bilan o‘rtoqlashdi. “Farmasevtlar” 2:1 hisobida zafar quchdi.
“Bu juda muhim o‘yin bo‘ldi. Bu yerda g‘alaba qozonish oson emas, shuning uchun jamoa o‘yinni o‘ta jiddiylik bilan qabul qildi. Biz rejamizni amalga oshirdik. O‘yindan ham, yakuniy natijadan ham mamnunman", - deya xabar beradi Bundesliga matbuot xizmati ispaniyalik mutaxassisning so‘zlarini.
Germaniya chempionatining 22-turidan keyin “Bayer” ikkinchi o‘rindagi “Bavariya”dan 8 ochko oldinda, ishonchli tarzda turnir jadvalida peshqadamlik qilmoqda.
