Shanba kuni "Liverpul" "Brentford"ni 4:1 hisobida mag‘lub etdi.

Birinchi bo‘lim davomida Yurgen Klopp tarkibda ikkita o‘zgarish qildi - Kertis Jons va Diogo Jota jarohat oldi.

O‘yindan so‘ng germaniyalik mutaxassis o‘z fikrlarini bildirdi.

"Biz Jons va Jota bilan bu qanchalik jiddiy ekanini hali bilmaymiz. Ammo ikkalasi uchun ham ishlar yaxshi ko‘rinmayapti.

Bizga albatta omad kulib boqmadi. Darvin Nunyes ham nimanidir his qildi, ammo unda muammo bor-yo‘qligiga ishonchimiz komil emas.

Ko‘raylikchi. Bu biz uchun hech qachon oson bo‘lmagan", - dedi Klopp.