"Arsenal"ning "Manchester Yunayted"ga qarshi o‘yini Angliya Superligasining ayollar o‘rtasidagi yangi rekordini o‘rnatdi.
O‘yin oldidan "Arsenal" 60 mingdan ortiq chipta va barcha VIP-chiptalar sotilganini ma’lum qilgandi, bunday natija birinchi marta Ayollar Superligasi o‘yinida qo‘lga kiritilgan.
"Arsenal"ning g‘alabasi (3:1) bilan yakunlangan o‘yin davomida jami 60 160 kishi tashrif buyurgani xabar qilingandi. Bu ko‘rsatkich dekabr oyida “Arsenal”ning “Manchester Siti” ustidan qozonilgan g‘alabasi (4:1)dagi 59 042 tadan oshib ketdi.
Bu 2023 yilning may oyida 60 063 muxlis tashrif buyurgan “Volfsburg”ga qarshi Ayollar Chempionlar Ligasi yarim finalidan so‘ng, "Emirayst"dagi ayollar o‘rtasidagi ikkinchi o‘yin bo‘ldi.
Ichki chempionatda "Arsenal" ayollar o‘rtasidagi o‘n bir uy o‘yinlaridan oltitasi "Emireyts"da o‘tkaziladi, bu esa 4500 sig‘imga mo‘ljallangan "Medou Park" stadioniga nisbatan tomoshabinlarning sezilarli darajada oshishiga imkon beradi.
"Keyingi qadam - bu nafaqat "Emireyts"da, balki butun ligada doimiy ravishda bunday ko‘rsatkichlarni taqdim etishdir. Biz ushbu auditoriyani rivojlantirishda davom etishimiz va barcha ayollar futbolining barqaror o‘sishini ta’minlashimiz kerak", - deya izoh berdi "Arsenal" bosh direktori Vinay Venkatesh.
