"Арсенал"нинг "Манчестер Юнайтед"га қарши ўйини Англия Суперлигасининг аёллар ўртасидаги янги рекордини ўрнатди.
Ўйин олдидан "Арсенал" 60 мингдан ортиқ чипта ва барча VIP-чипталар сотилганини маълум қилганди, бундай натижа биринчи марта Аёллар Суперлигаси ўйинида қўлга киритилган.
"Арсенал"нинг ғалабаси (3:1) билан якунланган ўйин давомида жами 60 160 киши ташриф буюргани хабар қилинганди. Бу кўрсаткич декабрь ойида “Арсенал”нинг “Манчестер Сити” устидан қозонилган ғалабаси (4:1)даги 59 042 тадан ошиб кетди.
Бу 2023 йилнинг май ойида 60 063 мухлис ташриф буюрган “Вольфсбург”га қарши Аёллар Чемпионлар Лигаси ярим финалидан сўнг, "Эмирайст"даги аёллар ўртасидаги иккинчи ўйин бўлди.
Ички чемпионатда "Арсенал" аёллар ўртасидаги ўн бир уй ўйинларидан олтитаси "Эмирейтс"да ўтказилади, бу эса 4500 сиғимга мўлжалланган "Медоу Парк" стадионига нисбатан томошабинларнинг сезиларли даражада ошишига имкон беради.
"Кейинги қадам - бу нафақат "Эмирейтс"да, балки бутун лигада доимий равишда бундай кўрсаткичларни тақдим этишдир. Биз ушбу аудиторияни ривожлантиришда давом этишимиз ва барча аёллар футболининг барқарор ўсишини таъминлашимиз керак", - дея изоҳ берди "Арсенал" бош директори Винай Венкатеш.
