Kataloniyaning "Barselona" klubi o‘z xodimlariga, jumladan, futbolchilarga ham eng yuqori maosh to‘laydi, bu raqamlar UEFA tomonidan o‘tkazilgan tadqiqot natijasida ma’lum bo‘ldi. Klub har yili bunga 639 million yevro sarflaydi.
Bu jadvalda ikkinchi o‘rinni Fransiyaning "PSJ" klubi egallab turibdi - 617 million yevro. Qizig‘i shundaki, bu ko‘rsatkich 2022 yilga nisbatan 112 million yevroga kamaygan - Neymar va Messining ketishi byudjetga shunday foydali ta’sir ko‘rsatdi.
Uchlikni maosh uchun 554 million yevro sarflagan “Manchester Siti” yakunlab turibdi. "Real Madrid" to‘rtinchi o‘rinda - 453 million yevro.
