Каталониянинг "Барселона" клуби ўз ходимларига, жумладан, футболчиларга ҳам энг юқори маош тўлайди, бу рақамлар УЕФА томонидан ўтказилган тадқиқот натижасида маълум бўлди. Клуб ҳар йили бунга 639 миллион евро сарфлайди.
Бу жадвалда иккинчи ўринни Франциянинг "ПСЖ" клуби эгаллаб турибди - 617 миллион евро. Қизиғи шундаки, бу кўрсаткич 2022 йилга нисбатан 112 миллион еврога камайган - Неймар ва Мессининг кетиши бюджетга шундай фойдали таъсир кўрсатди.
Учликни маош учун 554 миллион евро сарфлаган “Манчестер Сити” якунлаб турибди. "Реал Мадрид" тўртинчи ўринда - 453 миллион евро.
