Italiya chempionatining 25-turi doirasida «Milan» safarda «Monsa» klubi mehmoni bo‘lib, o‘yin so‘ngida o‘tkazilgan gollar evaziga mag‘lub bo‘ldi.

Mezbonlar uchun birinchi bo‘limning so‘nggi daqiqalari omadli keldi. 45-daqiqada Matteo Pessina penaltidan hisobni ochgan bo‘lsa, qo‘shib berilgan 6-daqiqada Dani Mota farqni oshirdi.

Uchrashuvning 52-daqiqasida esa raqib futbolchisi yuziga urgani uchun milanliklar forvardi Luka Yovich VAR yordamida maydondan chetlatildi.

64-daqiqada «rossoneri» hujumchisi Olivye Jiru jamoasining ilk golini urgan bo‘lsa, 88-daqiqada Kristian Pulishich hisobni tenglashtirishga muvaffaq bo‘ldi.

Biroq "Monsa" g‘alabani ilib ketdi. 90-daqiqada Uorren Bondo, 90+5-daqiqada esa Lorenso Kolombo gol urib, yakuniy hisobni o‘rnatdi — 4:2.

«Milan» g‘alaba qozonsa, jadvalda 2-o‘ringa ko‘tarilib olishi mumkin edi. Ammo jamoa «Yuventus»ning ochko yo‘qotishidan foydalana olmadi.

Italiya A seriyasi, 25-tur
Monsa – Milan 4:2 (2:0, 2:2)
Gollar: 1:0 – 45, penalti Pessina, 2:0 – 45 Mota, 2:1 – 64 Jiru, 2:2 – 88 Pulishich, 3:2 – 90 Bondo, 4:2 – 90+5 Kolombo.
Monsa – Di Gregorio (Sorrentino, 43), Birindelli, Mari, Isso, Karboni, Galyardini, Pessina, Kolpani (Pedru Pereyra, 81), Karboni (Bondo, 66), Jurich (Kolombo, 66), Mota (Maldini, 81).
Milan – Menyan, Florensi (Musa, 83), Gabbiya, Tiav, Ernandes, Loftus-CHik, Bennaser (Jiru, 54), Adli (Reynders, 46), Chukvueze (Pulishich, 46), Okafor (Rafael Leau, 46), Yovich.
Ogohlantirishlar: Jurich (33), Pessina (45), Palladino (51), Mota (76), Bondo (76), Gabbiya (83).
Chetlatish: Luka Yovich (52).