Италия чемпионатининг 25-тури доирасида «Милан» сафарда «Монца» клуби меҳмони бўлиб, ўйин сўнгида ўтказилган голлар эвазига мағлуб бўлди.

Мезбонлар учун биринчи бўлимнинг сўнгги дақиқалари омадли келди. 45-дақиқада Маттео Пессина пенальтидан ҳисобни очган бўлса, қўшиб берилган 6-дақиқада Дани Мота фарқни оширди.

Учрашувнинг 52-дақиқасида эса рақиб футболчиси юзига ургани учун миланликлар форварди Лука Йович ВАР ёрдамида майдондан четлатилди.

64-дақиқада «россонери» ҳужумчиси Оливье Жиру жамоасининг илк голини урган бўлса, 88-дақиқада Кристиан Пулишич ҳисобни тенглаштиришга муваффақ бўлди.

Бироқ "Монца" ғалабани илиб кетди. 90-дақиқада Уоррен Бондо, 90+5-дақиқада эса Лоренцо Коломбо гол уриб, якуний ҳисобни ўрнатди — 4:2.

«Милан» ғалаба қозонса, жадвалда 2-ўринга кўтарилиб олиши мумкин эди. Аммо жамоа «Ювентус»нинг очко йўқотишидан фойдалана олмади.

Италия А серияси, 25-тур
Монца – Милан 4:2 (2:0, 2:2)
Голлар: 1:0 – 45, пенальти Пессина, 2:0 – 45 Мота, 2:1 – 64 Жиру, 2:2 – 88 Пулишич, 3:2 – 90 Бондо, 4:2 – 90+5 Коломбо.
Монца – Ди Грегорио (Соррентино, 43), Биринделли, Мари, Иццо, Карбони, Гальярдини, Пессина, Кольпани (Педру Перейра, 81), Карбони (Бондо, 66), Журич (Коломбо, 66), Мота (Мальдини, 81).
Милан – Меньян, Флоренци (Муса, 83), Габбия, Тиав, Эрнандес, Лофтус-Чик, Беннасер (Жиру, 54), Адли (Рейндерс, 46), Чуквуэзе (Пулишич, 46), Окафор (Рафаэл Леау, 46), Йович.
Огоҳлантиришлар: Журич (33), Пессина (45), Палладино (51), Мота (76), Бондо (76), Габбия (83).
Четлатиш: Лука Йович (52).