Belarus poytaxti Minsk shahrida o‘smirlar o‘rtasida «Rivojlanish kubogi» xalqaro musobaqasi kecha start oldi.

Turnir O‘zbekiston U17 va Rossii U-16 jamoalari o‘rtasidagi o‘yin bilan boshlandi. Rossiyaliklar 1 va 18-daqiqalarda gol urib, ikkita to‘p farqi bilan oldinga o‘tib olishdi.

Jamoamiz esa tezda muvozanatni tiklab olishdi. Davron To‘laganov 24 va 30-daqiqalarda ikkita jarima zarbasidan so‘ng vaziyatlarni golga aylantirdi.

Qolgan daqiqalarda har ikki jamoada gol urish uchun yaxshi imkoniyatlarga ega bo‘ldi. Ayniqsa, o‘smirlarimiz 4 ta qulay vaziyatni golga aylantira olishmadi. Shu tariqa, o‘yinda jangovar durang qayd etildi.