"Marsel" bosh murabbiyi Jennaro Gattuzo iste’foga chiqarildi, deya xabar beradi insayder Fabrisio Romano.

Manba bergan xabarga ko‘ra, klub rahbariyati allaqachon 46 yoshli italiyalik mutaxassis va uning yordamchilarini o‘z qarori haqida xabardor qilgan.

Gattuzo o‘tgan yilning sentyabr oyidan beri "Marsel"ni boshqarib kelmoqda. Uning jamoasi 2024 yilda Liga 1da birorta ham g‘alaba qozona olmagan. "Marsel" uchta durang va ikkita mag‘lubiyatga uchradi.

22 turdan keyin “Marsel” 30 ochko bilan Liga 1 turnir jadvalida 9-o‘rinda bormoqda.