Emmanuel Peti Kilian Mbappening "Real"dagi mumkin bo‘lgan muammolarini aytib o‘tdi.
"Men nima bo‘lishini bilmayman va ochig‘ini aytsam, biz - 67 million fransuz - Mbappe mavsum oxirida qanday qarorga kelishini bilmaymiz. Mbappe ikki hafta oldin javobni mavsum yakuniga qadar aytishini aytgandi. Shuning uchun uning Parijda qolish-qolmasligini bilmayman, chunki hozir juda ko‘p taxminlar, juda ko‘p suhbatlar, kelishuvlar va shunga o‘xshash narsalar bor.
Agar Mbappe Madridga o‘tsa, bu muammo bo‘lishi mumkin. Nafaqat jamoaga nisbatan maosh jihatidan, balki yetakchilik nuqtai nazaridan ham.
Bellingem ham xuddi Vinisius kabi ajoyib o‘yin ko‘rsatmoqda va agar u Madridga o‘tsa, yaqinda "PSJ"da bo‘lgani kabi hujumchi sifatida ham ishlashi kerak bo‘ladi. Lekin hammamiz bilamizki, bu uning eng yaxshi pozisiyasi emas", - dedi "Monako" va Fransiyaning sobiq futbolchisi AS nashriga bergan intervyusida.
