Эммануэль Пети Килиан Мбаппенинг "Реал"даги мумкин бўлган муаммоларини айтиб ўтди.

"Мен нима бўлишини билмайман ва очиғини айтсам, биз - 67 миллион француз - Мбаппе мавсум охирида қандай қарорга келишини билмаймиз. Мбаппе икки ҳафта олдин жавобни мавсум якунига қадар айтишини айтганди. Шунинг учун унинг Парижда қолиш-қолмаслигини билмайман, чунки ҳозир жуда кўп тахминлар, жуда кўп суҳбатлар, келишувлар ва шунга ўхшаш нарсалар бор.

Агар Мбаппе Мадридга ўтса, бу муаммо бўлиши мумкин. Нафақат жамоага нисбатан маош жиҳатидан, балки етакчилик нуқтаи назаридан ҳам.

Беллингем ҳам худди Винисиус каби ажойиб ўйин кўрсатмоқда ва агар у Мадридга ўтса, яқинда "ПСЖ"да бўлгани каби ҳужумчи сифатида ҳам ишлаши керак бўлади. Лекин ҳаммамиз биламизки, бу унинг энг яхши позицияси эмас", - деди "Монако" ва Франциянинг собиқ футболчиси AS нашрига берган интервьюсида.