La liga klublarining maoshlar uchun ajratilgan pul miqdori e’lon qilindi. «Barselona» klubi futbolchilar va xodimlarga to‘lanayotgan bir yillik pul miqdori «Real»nikiga nisbatan 3,56 baravar kam ekani ma’lum bo‘ldi.

Qishki transferlardan so‘ng "ko‘k-anorranglilar"ning maoshlar uchun xarajat sifatida 204,161 mln yevro limit o‘rnatildi. Bu esa klubning yozgi transferdan keyingi limitiga nisbatan deyarli 66 million yevro kam. Ayni paytda kataloniyaliklar ushbu limitga rioya eta olishmayapti hamda maoshlar uchun 400 million yevro atrofida xarajat qilishmoqda.

La ligada maoshlar uchun eng yuqori limit «Real»da. Bu jamoaga bir yilda 727,451 mln yevro sarflashga ruxsat berilgan. Ikkinchi o‘rinda esa «Atletiko» bormoqda — 303,408 mln yevro.

Bu borada quyidagi jamoalar kuchli o‘nlikka kirgan:

1. «Real» — 727,451 mln yevro.
2. «Atletiko» — 303,408 mln
3. «Barselona» — 204,161 mln
4. «Sevilya» — 152,286 mln,
5. «Real Sosyedad» — 144,941,
6. «Vilyarreal» — 143,918,
7. «Atletik» — 100,062
8. «Betis» — 93,241
9. «Valensiya» — 85,528
10. «Selta» — 81,187.