Ла лига клубларининг маошлар учун ажратилган пул миқдори эълон қилинди. «Барселона» клуби футболчилар ва ходимларга тўланаётган бир йиллик пул миқдори «Реал»никига нисбатан 3,56 баравар кам экани маълум бўлди.

Қишки трансферлардан сўнг "кўк-анорранглилар"нинг маошлар учун харажат сифатида 204,161 млн евро лимит ўрнатилди. Бу эса клубнинг ёзги трансфердан кейинги лимитига нисбатан деярли 66 миллион евро кам. Айни пайтда каталонияликлар ушбу лимитга риоя эта олишмаяпти ҳамда маошлар учун 400 миллион евро атрофида харажат қилишмоқда.

Ла лигада маошлар учун энг юқори лимит «Реал»да. Бу жамоага бир йилда 727,451 млн евро сарфлашга рухсат берилган. Иккинчи ўринда эса «Атлетико» бормоқда — 303,408 млн евро.

Бу борада қуйидаги жамоалар кучли ўнликка кирган:

1. «Реал» — 727,451 млн евро.
2. «Атлетико» — 303,408 млн
3. «Барселона» — 204,161 млн
4. «Севилья» — 152,286 млн,
5. «Реал Сосьедад» — 144,941,
6. «Вильярреал» — 143,918,
7. «Атлетик» — 100,062
8. «Бетис» — 93,241
9. «Валенсия» — 85,528
10. «Сельта» — 81,187.