"Jirona"da ijara asosida o‘ynayotgan "Trua" vingeri Savio yozgi transferlar oynasi boshida rasman "Manchester Siti" futbolchisiga aylanadi. Bu haqda jurnalist Fabrisio Romano ijtimoiy tarmog‘ida xabar berdi.
Manba bergan xabarga ko‘ra, 19 yoshli hujumkor futbolchi 1 iyul kuni "shaharliklar" safiga qo‘shiladi. Shundan so‘ng Savio "shaharliklar" bosh murabbiyi Pep Gvardiola boshchiligidagi yangi jamoada mavsumoldi mashg‘ulotlarini boshlaydi. "Manchester Siti" futbolchining transferi uchun "Jirona"ga emas, Fransiyaning "Trua" klubiga pul to‘laydi.
Joriy mavsumda Savio “Jirona” safida barcha musobaqalarda 30 ta o‘yinda maydonga tushib, 7 ta gol va 7 ta golli uzatmaga mualliflik qilgan. Futbolchining "Trua" bilan shartnomasi 2027 yilning iyun oyi oxirigacha amal qiladi. Transfermarkt portaliga ko‘ra futbolchining taxminiy narxi 30 million yevroni tashkil qiladi.
