"Nyukasl" klubi sport direktori Den Eshuortni ta’tilga chiqarib yubordi. Ya’ni, "Manchester Yunayted" qiziqishlari fonida klub funksionerni o‘z ishidan chetlashtirdi, biroq uning hali shartnomasi bekor qilinmadi. "Manchester Yunayted"ning yangi xo‘jayini Jim Retkliff bu borada fikr bildirdi.

"Shaxsan men buni biroz ahmoqlik deb hisoblayman. Menimcha, yaxshi ish qilgan odamdan bir yarim yil ta’tilda o‘tirishni so‘rash bema’nilik", — dedi Retkliff.

Eslatib o‘tamiz, Jim Retkliff yaqinda "Manchester Yunayted"ning 25 foiz aksiyasini sotib olgan edi.