"Navbahor" Osiyo Chempionlar ligasi nimchorak final javob o‘yini doirasida bugun Saudiya Arabistonining “Al-Ittihod” (Jidda) klubi mehmoni bo‘ladi.

Mazkur uchrashuv oldidan kecha mezbonlar bosh murabbiyi Marselo Galyardo OAV xodimlarining savollariga javob berdi.

Quyida argentinalik mutaxassisning fikrlarini e’tiboringizga havola etamiz.

- Hammamiz ertangi o‘yinni sabrsizlik bilan kutyapmiz. Hozircha boshlang‘ich tarkibni aniqlaganimiz yo‘q, bugungi mashg‘ulotlardan so‘ng besh nafar xorijlik futbolchi nomini aniqlaymiz.

Ertangi bahs xuddi birinchi o‘yindagi ssenariy bo‘yicha o‘tadi va biz uchrashuv avvalidan nazoratimizni o‘rnatishga harakat qilamiz.

Biz ijodkorlik va hujumkor qarorlardan tashqari, tezlik hamda tezkor uzatmalarga tayanamiz.

Biz hujumlar tashkillashtirishimiz, uchrashuv davomida mutlaq ustunlikka erishishimiz kerak va erta gol urishga intilamiz. Jamoamiz hamisha muxlislarning qo‘llab-quvvatlashlariga muhtoj.

Ertaga kuchli jamoaga qarshi qiyin o‘yin bo‘lishi tabiiy hamda biz g‘alaba uchun kurashamiz. Oxirgi bahsdagi durang va bo‘lajak bellashuvga jarohatlarsiz yetib kelishimiz yaxshi holat sanaladi, - dedi Marselo Galyardo.

“Navbahor” PFK matbuot xizmati.