"Vulverxempton"ning hujumkor yarim himoyachisi Pedru Netuga "Arsenal" va "Liverpul" kabi kuchli klublar qiziqish bildirmoqda. Shu bilan birga, "bo‘rilar" bu futbolchining transferidan yaxshigina pul ishlab olishni istamoqda. The Athletic xabariga ko‘ra, "Vulverxempton" Netu uchun 80 million funt sterling (93,4 million yevro) olishni istamoqda.
2023/2024 yilgi mavsumda Pedru Netu 19 ta rasmiy o‘yin o‘tkazdi. Ularda 23 yoshli portugaliyalik uchta gol va o‘n bitta golli uzatmani amalga oshirdi.
Eslatib o‘tamiz, Netu “Vulverxempton”da “Lasio”dan o‘tganidan keyin 2019 yilning yozidan buyon o‘ynamoqda.