"Вулверхэмптон"нинг ҳужумкор ярим ҳимоячиси Педру Нетуга "Арсенал" ва "Ливерпуль" каби кучли клублар қизиқиш билдирмоқда. Шу билан бирга, "бўрилар" бу футболчининг трансферидан яхшигина пул ишлаб олишни истамоқда. The Athletic хабарига кўра, "Вулверхэмптон" Нету учун 80 миллион фунт стерлинг (93,4 миллион евро) олишни истамоқда.
2023/2024 йилги мавсумда Педру Нету 19 та расмий ўйин ўтказди. Уларда 23 ёшли португалиялик учта гол ва ўн битта голли узатмани амалга оширди.
Эслатиб ўтамиз, Нету “Вулверхэмптон”да “Лацио”дан ўтганидан кейин 2019 йилнинг ёзидан буён ўйнамоқда.
