Diogo Dalot "Manchester Yunayted"ning vazifalari haqida gapirdi.

“O‘tgan mavsumni yaxshi o‘tkazdik, Liga kubogi sovrinini qo‘lga kiritdik, Angliya kubogi uchun kurashdik va Chempionlar ligasiga yo‘llanma oldik. Klub boshqa muammolarni hal qilishi kerak, ammo bu oldinga qadam edi.

Umid qilamanki, bu mavsumda biz bitta sovrin yutib, yana Chempionlar ligasiga yo‘l olamiz - va bu ham, menimcha, oldinga qadam bo‘ladi.

Umuman olganda, "Manchester Yunayted"ning vazifasi - Premyer-liga chempionligi va Chempionlar ligasidagi g‘alaba, ya’ni biz ishtirok etadigan barcha turnirlarda sovrinlar uchun kurashish.

O‘ylaymanki, biz to‘g‘ri yo‘nalishda harakat qila olamiz. Klub anchadan beri — 11 yildan beri Premyer-ligada g‘olib chiqa olmayapti.

Demak, muxlislar anchadan beri kutishdi”, - dedi “Manchester Yunayted” himoyachisi.