Uzoq vaqt davomida birinchi marta Germaniya Bundesligasi chempioni o‘zgarishi mumkin, chunki "Bavariya" oxirgi marta 2011/12 yilgi mavsumda, Yurgen Klopp boshqaruvidagi "Borussiya Dortmund" o‘zining eng yuqori cho‘qqisiga chiqqanida oltinni sovg‘a qilgan edi. Bugun Germaniyadagi jamoalarning imkoniyatini baholashga urunib ko‘ramiz.

"Shtutgart"

“Shtutgart” yangi mavsumni shiddat bilan boshladi, dastlabki sakkizta o‘yinda yettita g‘alaba qozondi, biroq vaqt o‘tishi bilan jamoa barqarorlikni yo‘qotib, yaxshi seriyalarni muntazam mag‘lubiyatlar bilan almashtira boshladi. 22 turdan keyin “Shtutgart” hisobida 46 ochko bor, peshqadam “Bayer” esa 61 ochkoga ega. Shu sababdan, “Shtutgart”ning chempionlikni qo‘lga kiritish imkoniyati illyuziyadek ko‘rinadi, ammo klub, Chempionlar ligasi yo‘llanmasini qo‘lga kiritishga qodir.

"Borussiya Dortmund”

Edin Terzich jamoasi o‘tgan mavsumni a’lo darajada o‘tkazdi, ammo oxirgi turda Germaniya chempionati oltin medallaridan mahrum bo‘ldi. “Borussiya” yangi mavsumda yana-da kuchayib borayotgandek tuyuldi, ammo Jud Bellingemni yo‘qotish jamoa o‘yiniga katta ta’sir qildi. Endilikda “bamblar” peshqadam “Bayer”dan 20 ochko ortda qolgan holda to‘rtinchi o‘rinni egallab turibdi. Terzich yozda "Borussiya"dan chetlatilishi haqida mish-mishlar bor va hozircha bu ma’lumotga ishonmaslik uchun asos yo‘q.

"Bavariya"

"Bavariya"ning gegemonligi o‘tgan mavsumda to‘xtatilishi mumkin edi, ammo Dortmundning "Borussiya"si Bundesliganing so‘nggi turida autsayderga imkoniyatni boy berib, myunxenliklarga chempionlikni taqdim etdi. Hozirgi mavsumda Tomas Tuxel jamoasida nafaqat kadrlar, balki o‘yin bilan bog‘liq muammolar ham ko‘p. "Bavariya" allaqachon barcha turnirlarda ketma-ket uch marta mag‘lub bo‘lgan va bu jamoada anchadan beri sodir bo‘lmagan edi. Bunday natijalardan so‘ng OAVda bir qator futbolchilar Tuxelning bosh murabbiylik faoliyatidan norozi bo‘lgani, futbolchilar esa Tuxel boshqaruvda qolsa, yozda jamoani tark etishga ham tayyor ekani haqida mish-mishlar tarqala boshladi.

“Bayer”

Xabi boshchiligidagi “Bayer” Yevropa futbol mavsumining asosiy kashfiyoti hisoblanadi. Mavsumning katta qismi allaqachon o‘tib ketganiga qaramay, Leverkuzen jamoasi hali ham top ligalarda hech qachon mag‘lub bo‘lmagan yagona jamoa bo‘lib qolmoqda. 10 fevral kuni "Bayer" "Bavariya"ga qarshi o‘yin o‘tkazdi va unda yangi chempion haqidagi deyarli barcha savollar olib tashlandi.