"Barselona" yozda transfer uchun tarkibini kuchaytirish imkoniyatlarini o‘rganmoqda. TodoFichajes xabariga ko‘ra, "Bavariya"ning uchta yulduz futbolchisi Kataloniya gigantining radarida. Qisqa ro‘yxatga Joshua Kimmix, Leroy Sane va Jamol Musiala kiritilgan.

Musiala bir necha kundan keyin o‘zining 21 yoshini nishonlaydi. "Barselona"ga ushbu hujumkor yarim himoyachini sotib olish qiyin bo‘ladi. Chunki uning narx 100 dan 150 million yevrogacha bo‘ladi.

29 yoshli Kimmixga kelsak, yozda himoyachini taxminan 50 million yevro evaziga sotib olish mumkin bo‘ladi.

Ammo 28 yoshli Sane bilan bog‘liq vaziyat hali to‘liq aniq emas. Germaniyalik vinger "Bavariya" bilan shartnomasini uzaytirishi mumkin.