"Барселона" ёзда трансфер учун таркибини кучайтириш имкониятларини ўрганмоқда. TodoFichajes хабарига кўра, "Бавария"нинг учта юлдуз футболчиси Каталония гигантининг радарида. Қисқа рўйхатга Жошуа Киммих, Лерой Сане ва Жамол Мусиала киритилган.
Мусиала бир неча кундан кейин ўзининг 21 ёшини нишонлайди. "Барселона"га ушбу ҳужумкор ярим ҳимоячини сотиб олиш қийин бўлади. Чунки унинг нарх 100 дан 150 миллион еврогача бўлади.
29 ёшли Киммихга келсак, ёзда ҳимоячини тахминан 50 миллион евро эвазига сотиб олиш мумкин бўлади.
Аммо 28 ёшли Сане билан боғлиқ вазият ҳали тўлиқ аниқ эмас. Германиялик вингер "Бавария" билан шартномасини узайтириши мумкин.
