"Atletiko Madrid" bosh murabbiyi Diyego Simeone "Almeriya"ga (2:2) qarshi o‘yindan so‘ng o‘z fikrlarini bildirib o‘tdi. Jamoa bu mavsum safarda juda yomon o‘yin ko‘rsatmoqda, bu ayniqsa so‘nggi oylarda yaqqol ko‘zga tashlanmoqda 13 uchrashuvda atigi uchta g‘alaba.
Madridliklar shu kungacha 25 o‘yinda atigi 8 ochko to‘plagan La Liganing asosiy autsayderini ham mag‘lub eta olmadi.
“Biz g‘alaba qozonish uchun hamma narsani qildik. Yigitlar borlarini berishdi, bizda ko‘proq gol urish uchun imkoniyatlar bo‘ldi. Biz qo‘limizdan kelganini qilishda davom etishimiz kerak. Uydan uzoqda zaif natijalarning sababi nimada? Chunki murabbiy jamoani o‘yinlarga yomon tayyorlaydi", - deya Simeonening so‘zlaridan iqtibos keltiradi Marca.
