Fransiya terma jamoasi va “Manchester Yunayted”ning markaziy himoyachisi Rafael Varan vataniga qaytishi mumkin. "PSJ" 30 yoshli futbolchining xizmatlariga qiziqish bildirmoqda.
Parij top-klubi agar futbolchi “qizil iblislar” bilan yangi shartnoma imzolamasa, unga hamkorlik taklif qilishga tayyor. Varanning transfer narxi 25 million yevroga baholanmoqda. Transfermarkt xabariga ko‘ra, Rafaelning "qizil iblislar" bilan shartnomasi 2025 yilning yozida yakuniga yetadi.
Varan joriy mavsumda Angliya Premyer-ligasida 17 ta o‘yin o‘tkazdi. Himoyachi gol urdi va bitta sariq kartochka oldi.