Hujumkor yarim himoyachi Marko Roys yozgi transfer oynasida klubini o‘zgartirishi mumkin. 34 yoshli futbolchining Dortmundning "Borussiya"si bilan amaldagi shartnomasi mavsum oxirigacha amal qiladi, ya’ni Roys yozda erkin agent sifatida ketishi mumkin.
Footmercato xabariga ko‘ra, Roysga MLS klublari qiziqish bildirmoqda. Bundan tashqari, "Borussiya Myonxengladbax"ham o‘z safida ko‘rishni istamoqda. Qisqasi, Markoning tanlov imkoniyatlari bor.
2023/2024 yilgi mavsumda Marko Roys 28 uchrashuvda ishtirok etgan. Ularda futbolchi oltita gol urdi va sheriklari uchun beshta golli uzatmani amalga oshirdi.
