Angliyada yigirma oltinchi tur o‘yinlari yakunlandi, dushanba kuni "Vest Xem" "Brentford"ni 4:2 hisobida mag‘lub etdi. Jarrod Bouen "bolg‘achilar" safida uchta gol urdi. O‘yindan so‘ng, u bunday yutuq uchun uzoq vaqtdan beri harakat qilganini tan oldi:
"Ko‘p o‘yinlar bo‘lganki, dubl qayd etgan bo‘lsam-da, uchinchi golni kirita olmaganman. Bugun hammasi yaxshi o‘tdi. Men bu xet-trikni yillar davomida kutganman. Bizga reaksiya qilish kerak edi, Yevropaga qaytishdan oldin yaxshi o‘yin kerak edi. Bu muvaffaqiyatli bo‘ldi", - deya Bouenning so‘zlarini keltiradi BBC Sport.
Keyingi turda “Vest Xem” “Everton”ga qarshi maydonga tushadi.
