Англияда йигирма олтинчи тур ўйинлари якунланди, душанба куни "Вест Хэм" "Брентфорд"ни 4:2 ҳисобида мағлуб этди. Жаррод Боуэн "болғачилар" сафида учта гол урди. Ўйиндан сўнг, у бундай ютуқ учун узоқ вақтдан бери ҳаракат қилганини тан олди:
"Кўп ўйинлар бўлганки, дубл қайд этган бўлсам-да, учинчи голни кирита олмаганман. Бугун ҳаммаси яхши ўтди. Мен бу хет-трикни йиллар давомида кутганман. Бизга реакция қилиш керак эди, Европага қайтишдан олдин яхши ўйин керак эди. Бу муваффақиятли бўлди", - дея Боуэннинг сўзларини келтиради BBC Sport.
Кейинги турда “Вест Хэм” “Эвертон”га қарши майдонга тушади.
